На Apple у Расіі завялі справу за прапаганду гомасэксуалізму
У Кіраўскай вобласці супраць кампаніі Apple распачалі адміністрацыйную справу аб прапагандзе гомасэксуалізму. Падставай паслужылі эмадзі з выявай людзей аднаго полу, якія трымаюцца за рукі, і аднаполых пар з дзецьмі.
На эмадзі, даступныя ў аперацыйнай сістэме iOS 8.3., паскардзіўся мясцовы юрыст Яраслаў Міхайлаў.
Як стала вядома, справа была распачатая яшчэ ў жніўні, а самі эмадзі былі накіраваныя на экспертызу ў Міжрэгіянальнае бюро судовых экспертыз імя Сікорскага.
Калі Apple прызнаюць вінаватай у прапагандзе гомасэксуалізму, кампаніі пагражае штраф да 1 млн рублёў альбо прыпыненне дзейнасці на тэрыторыі Расіі.
У сакавіку закон аб гей-прапагандзе вымусіў IKEA закрыць рэкламны часопіс на рускай мове.