Улаховіч: Каб ведаў, ніколі б не пайшоў у прэзідэнты
Але ён кажа, што выказаўся супраць тых баптысцкіх рухаў, якія нясуць шкоду здароўю.
фота Віктара Гіліцкага, kp.by
Кандыдат у прэзідэнты даў вялікае інтэрв'ю «Камсамольскай праўдзе» у Беларусі (kp.by)
— Што ў гэтай прэзідэнцкай кампаніі вас выводзіць з сябе?
— Ды ўсё! І з самага пачатку. Калі б я ведаў, што так будзе, ніколі б у жыцці не пайшоў у прэзідэнты.
— Як так?
- Ніхто не хоча цябе чуць, ніхто не хоча цябе разумець. Некаторыя гатовыя знішчыць любога чалавека — дэмакрата, ліберала. Вось чалавек міма нас прайшоў. Я ніколі не скажу пра яго, не ведаючы яго, што ён дрэнны. Адкуль такая жоўць? Асабліва ад нашага маладога пакалення. Я раней не чытаў тое, што пішуць на сайтах, але цяпер вымушаны. Трэба ўсіх ставіць на месца — і тых, і іншых.
— Але не толькі на кандыдатаў негатыў выліваецца. Вы вунь у тэлезвароце пра баптыстаў такога нагаварылі …
— Баптысты мяне не зразумелі.
Я ж выказаўся супраць тых баптысцкіх рухаў, якія нясуць шкоду здароўю.
Тых сект, якія былі забароненыя савецкай уладай. А супраць тых баптыстаў, якія вераць і ходзяць у баптысцкую царкву, я нічога не маю. Калі яны ўзаконеныя, зарэгістраваныя — ды калі ласка. Хоць верце ў самога Буду.