Рух транспарту ў «Каменным Логу» абмежаваны 16—18 кастрычніка
Рух транспарту ў пункце пропуску «Каменны Лог» будзе абмежаваны 16—18 кастрычніка з 9.00 да 18.00, паведамілі ў Дзяржпагранкамітэце.
Абмежаванне звязана з правядзеннем у пункце пропуску будаўніча-мантажных работ. Забарона можа ўводзіцца як на ўезд, так і выезд з Беларусі.
Дзяржпагранкамітэт рэкамендуе ўлічваць гэтыя абставіны і па магчымасці выбіраць для перасячэння мяжы з Літвой пункт пропуску «Катлоўка».