21 кастрычніка ў Беларусі паўдня не будуць працаваць радыё і тэлебачанне
У Беларусі 21 кастрычніка часова будзе адсутнічаць эфірная трансляцыя тэлевізійных праграм. Аб гэтым паведамляецца на афіцыйным сайце РУП «Беларускі радыётэлевізійны перадавальны цэнтр» (БРТПЦ).
«21 кастрычніка 2015 з 09.00 да 15.00 гадзін (паводле ўзгаднення з тэлерадыёкампаніямі) будуць праводзіцца прафілактычныя працы на электрасілавым абсталяванні і антэна-мачтавых збудаваннях са спыненнем трансляцыі тэлевізійных і гукавых праграм», — гаворыцца ў афіцыйным паведамленні БРТПЦ.
БРТПЦ выбачаецца за дастаўленыя нязручнасці.