У п'янай бойцы хлопец параніў нажом сябра з-за доўгу ў 80 тысяч рублеў
Некалькі дзён таму ў Старадарожскі РАУС паступіла інфармацыя ад дзяжурнага ўрача мясцовай бальніцы аб тым, што ў рэанімацыю са шматлікімі пранікаючымі нажавымі раненнямі грудзей дастаўлены 22-гадовы мясцовы жыхар.
Як паведамляе УУС Мінскага аблвыканкама, па арыенціроўцы аператыўнага дзяжурнага нарадамі міліцыі ў вёсцы Кавалічы былі затрыманыя чатыры мясцовыя жыхары. Папярэдне ўстаноўлена, што кампанія маладых людзей прама на вуліцы распівала спіртное. Адзін з хлопцаў запатрабаваў у сябра вярнуць доўг — 80 тысяч рублёў.
Паміж прыяцелямі адбылася слоўная сварка, якая хутка перарасла ў бойку. У парыве гневу даўжнік дастаў нож і тройчы ўдарыў ім у грудзі крэдытора.
Убачыўшы, што справа прыняла небяспечны абарот, трое астатніх удзельнікаў інцыдэнту выклікалі машыну хуткай дапамогі. Усе пяцёра — знаёмыя адзін з адным з дзяцінства, раней не прыцягваліся да крымінальнай і адміністрацыйнай адказнасці.
Пацярпеламу зроблена аперацыя, медыкі сцвярджаюць, што яму пашанцавала, бо адным з удараў была зачэпленая артэрыя, і пры некаторым прамаруджванні маладога чалавека выратаваць было б немагчыма.
Падазраваны змешчаны ў ізалятар часовага ўтрымання. Старадарожскім РАСК распачатая крымінальная справа на падставе ч. 1 арт. 147 КК (наўмыснае прычыненне цяжкага цялеснага пашкоджання).