Башар Асад нечакана сустрэўся з Пуціным у Маскве
Прэзідэнт Сірыі Башар Асад ўвечары ў аўторак, 20 кастрычніка, наведаў Маскву і правёў сустрэчу з прэзідэнтам Расіі Уладзімірам Пуціным. Па словах прэс-сакратара расійскага лідара Дзмітрыя Пяскова, сустрэча была працяглай.
kremlin.ru
Пуцін і Асад абмеркавалі ход ваеннай аперацыі ў Сірыі і пытанні, звязаныя з працягам расійскіх авіяўдараў у краіне. Асад, па словах Пяскова, дэталёва праінфармаваў Пуціна аб становішчы спраў у Сірыі.
Як гаворыцца ў паведамленні на сайце Крамля, Асад прыехаў у Маскву па запрашэнні расійскага боку.