Сума даўгоў ФК «Нёман» перавышае 10 млрд рублёў
Паводле інфармацыі крыніцы, блізкай да клуба, фінансавая сітуацыя ў «Нёмане» зноў рэзка пагоршылася. Футбалісты на працягу некалькіх апошніх месяцаў не атрымліваюць заробак у поўным аб'ёме.
Агульная сума даўгоў клуба перавышае 10 мільярдаў.
2015-ы «Нёман» пачынаў з даўгамі ў раёне 6 мільярдаў. Аднак затым пры дапамозе мэра горада Мечыслава Гоя ўдалося практычна ўсе даўгі закрыць.
Цяпер эканамічнае становішча клуба зноў вельмі нестабільнае. Таксама, па інфармацыі Tribuna.com, у клубе прайшла фінансавая праверка, якая ўстанавіла шэраг парушэнняў.
Агульная сума штрафаў склала некалькі сотняў мільёнаў рублёў.