Сёньня — працяг агульнанацыянальнай дыктоўкі
У Палацы мастацтваў яе ладзяць Згуртаваньне беларусаў сьвету «Бацькаўшчына» і мастацкая суполка «Пагоня».
Дыктоўка, у якой могуць узяць удзел усе ахвотныя, а ня толькі мастакі, пройдзе ў вялікай актавай залі палацу (вул. Казлова, 3, станцыя мэтро «Плошча Перамогі), і пачнецца а 16.30.
Таксама сёньня, 24 сакавіка а 17‑й на сядзібе ТБМ (вул. Румянцава, 13) адкрыецца выстава твораў жывапісу, прысьвечанага абвяшчэньню БНР. Аналягічная адчынілася ў суботу на сядзібе БНФ.
Ініцыятар выставы — суполка «Пагоня».