«Керамін» і «Юнацтва» атрымалі першыя перамогі
Сёньня прайшлі першыя паўфінальныя матчы плэй‑оф чэмпіянату Беларусі па хакеі. Абедзьве сустрэчы былі згуляныя ў Менску.
Пераможца рэгулярнага першынства «Керамін» досыць упэўнена перамог адкрыцьцё сёлетняга сэзону «Віцебск» — 3:1. Зрэшты, віцьбічам цяжка будзе на нешта разьлічваць у гэтай пары, настолькі добра выглядаюць цяпер «драконы».
«Юнацтва» ж яшчэ больш упэўнена справілася зь леташнім чэмпіёнам «Дынама» — 4:1. Сэрыі працягнуцца да трох перамог. Наступныя матчы будуць згуляныя заўтра.