На канцэрце ў гонар інаўгурацыі будзе спяваць Юры Антонаў
У вячэрнюю трансляцыю ўключаць і дзённыя запісы цырымоніі, якая мае пачацца а 12-й.
Фота Дзмітрыя Брушко.
А 21-й гадзіне сёння ўвечары на ўсіх каналах беларускага тэлебачання пачнецца трансляцыя урачыстасцяў з нагоды ўступлення на пасаду прэзідэнта Беларусі Аляксандра Лукашэнка.
Саму цырымонію інаўгурацыі, прысягу прэзідэнту вайскоўцаў, а таксама канцэрт будуць паказваць і ўдзень у жывой трансляцыі. Увечары дзённы запіс паўтораць.
Як анансуецца, акрамя беларускіх поп-зорак, на канцэрце выступіць пенсіянер расійскай эстрады Юрый Антонаў.