У 6 краінах Еўропы затрымалі 15 ісламістаў, якія планавалі атакі
Паліцыя шасці еўрапейскіх краін арыштавала па меншай меры 15 членаў ісламісцкай ваенізаванай групоўкі, якая планавала атакі ў Паўночнай Еўропе і на Блізкім Усходзе.
Пра гэта паведамляе Reuters са спасылкай на заяву італьянскай паліцыі.
Патэнцыйныя тэрарысты былі затрыманыя ў Італіі, Вялікабрытаніі, Нарвегіі, Фінляндыі, Германіі і Швейцарыі.
Баевікі планавалі атакі супраць нарвежскіх і брытанскіх дыпламатаў на Блізкім Усходзе, а таксама палітыкаў у Нарвегіі.
У той жа час паліцыя не паведаміла ніякай дадатковай інфармацыі пра патэнцыйныя мэты або часовыя рамкі нападаў.
Падчас рэйду, у прыватнасці, былі затрыманыя прадстаўнікі тэрарыстычнай групы Rawti Shax, якая мела на мэце зрынуць курдскі ўрад на поўначы Ірака.
«Гэта было неверагодна складанае расследаванне, якое працягваецца ўжо на працягу пяці гадоў», — сказаў кіраўнік падраздзялення па антытэрарыстычнай дзейнасці і барацьбе з мафіяй Італіі Франка Роберт.
У цэлым было выдадзена 17 ордэраў на арышт, 15 падазраваным яны былі ўручаныя адразу.