«Сяргей — у печы, Мікалай — у печы, Таццяна гатуецца» ФОТАФАКТ
Карыстальнік Instagram Іван Радзянкоў выклаў на сваёй старонцы цікавае фота з мінскай піцэрыі. На здымку паказана табло, дзе адлюстроўваецца, меркавана, статус замоў кліентаў піцэрыі. Фота аўтар падпісаў «У Сухараве адкрыўся раённы крэматорый».
@veter_by
Задумка, у прынцыпе, вельмі добрая – кліентам важна ведаць, праз колькі будзе гатовая іх піца. Але выглядае даволі, скажам так, незвычайна, калі ты бачыш, што насупраць імя чалавека напісана «у печы» ці «гатуецца».
Як паведамляюць карыстальнікі ў каментарах да паста, дадзенае табло знаходзіцца ў піцэрыі «Domino’s Pizza» на вуліцы Шаранговіча.