Галоўны міліцыянер Менску падсумаваў Дзень Волі
Затрымалі 88 чалавек. Пацярпелі два міліцыянты, абодва знаходзяцца ў лякарні.
Па інфармацыі начальніка Галоўнага ўпраўлення ўнутраных спраў Мінгарвыканкама Анатоля Куляшова «падчас разгону акцыі ў Дзень Волі міліцыя затрымала 88 чалавек. 13 непаўналетніх грамадзян былі перададзеныя бацькам, 2 адпушчаныя без складання пратаколаў.
У дачыненні астатніх былі складзеныя пратаколы аб адміністрацыйных правапарушэннях — парушэнне парадку арганізацыі і правядзенні масавых мерапрыемстваў. Сёння яны будуць дастаўленыя ў раённыя суды.
Гэта караецца або суткамі, або штрафам да 30 базавых велічыняў (1 б.в — 35 тыс. руб.)
«Пацярпелі два супрацоўнікі міліцыі. Абодва знаходзяцца ў лякарні. У аднаго з іх пашкоджанае калена», — пра гэта распавёў Анатоль Куляшоў БЕЛТА.