У Баранавічах прадаецца значок з гербам горада, дзе ў двух словах дзве памылкі ФОТАФАКТ
На прылаўках баранавіцкіх крамаў можна ўбачыць сувенірны значок, на якім назва горада двойчы напісаная няправільна.
Пад гербам горада напісана «Баровичи», а на гербе замест «Баранавічы» значыцца «Барановічы».
Вытворца значка — ІП Петракоў А.В. з Брэста. Продажам сувенірных значкоў займаецца ТАА «Вікавест». Узор гэтага значка размешчаны і на сайце кампаніі.
Супрацоўнікі ТАА «Вікавест» у размове з Intex-press здзівіліся, пачуўшы пра памылку, і паабяцалі ў бліжэйшым часе замяніць у гандлёвых кропках значкі з памылкамі.