На чэмпіянаце свету па цяжкай атлетыцы беларус Стральцоў выйграў золата
Беларускі цяжкаатлет Вадзім Стральцоў выйграў золата па суме дваябор'я на чэмпіянаце свету ў ЗША (Х'юстан) у вагавой катэгорыі да 94 кг. Наш суайчыннік паказаў вынік 405 кг (175 + 230).
Другое месца заняў Альмас Уцяшаў з Казахстана (402 кг), бронза дасталася яго суайчынніку Жасслану Кыдырбаеву (399 кг).
Аднаго кілаграма да подыума не хапіла яшчэ аднаму беларусу Аляксандру Венскелю (398 кг) - ён застаўся чацвёртым.