У Дортмундзе расследуюць таямнічую гібель пінгвіна
Паліцыя Германіі расследуе абставіны гібелі пінгвіна ў заапарку горада Дортмунда.
Тры пінгвіны Гумбальта зніклі з заапарку ў панядзелак. Адзін з іх быў знойдзены пазней мёртвым у вальеры для фламінга, на яго целе выяўленыя раны.
Цяпер паліцыя спрабуе высветліць, было гэта выкраданнем або пінгвіны проста збеглі з свайго вальера.
Тыдзень таму ў гэтым жа заапарку быў знойдзены мёртвым марскі леў, а ў жніўні былі выкрадзеныя карлікавыя малпы. Пакуль няма ніякіх доказаў, што ўсе гэтыя інцыдэнты неяк звязаныя.