Жанчына перабягала 8-палосны праспект каля падземнага перахода і трапіла пад колы
ДТЗ адбылося 4 снежня, каля 22.40, на праспекце Дзяржынскага.
«66-гадовая жанчына ішла з крамы «Алмі» і пачала пераходзіць дарогу не па падземным пераходзе, размешчаным побач, а па праезнай частцы дарогі, — распавялі ў АДАІ Маскоўскага раёна. — Яна ўжо амаль скончыла пераход, калі ў першай або другой паласе яе збіў Ford Mondeo, якім кіраваў 20-гадовы хлопец».
Ад атрыманых траўмаў жанчына загінула на месцы.