СМІ: Беларусь адмовіла ААЭ ў куплі МіГ-29 і Су-27
Французскі партал «Intelligence online» у артыкуле «Minsk exult Abou Dhabi de son plan de vol» сцвярджае, што ВПС Аб'яднаных Арабскіх Эміратаў былі зацікаўленыя ў набыцці беларускіх знішчальнікаў МіГ-29 і Су-27.
mil.by
Але здзелка не адбылася — беларускі бок адмовіўся прадаваць самалёты. З гэтых знішчальнікаў Абу-Дабі разлічваў стварыць уласную эскадрыллю «агрэсараў», якая б навучала эмірацкіх лётчыкаў баям з машынамі савецкай/расійскай вытворчасці.
«Intelligence online» піша, што ў ААЭ даведаліся, што на гэтае рашэнне паўплывала Расія, якая наклала вета на экспарт самалётаў. Такая рэакцыя цалкам натуральная, бо продаж гэтых знішчальнікаў дапамог бы эмірацкім вайскоўцам пазнаёміцца з магчымасцямі тых сістэм, якія ўстаноўлены на расійскіх і часткова іранскіх самалётах савецкай вытворчасці.