Парламент Таджыкістана абвясціў прэзідэнта Рахмона лідарам нацыі
Ніжняя палата таджыкскага парламента (Маджлісі Намаяндагон) аднагалосна ў сераду прыняла закон «Аб заснавальніку міру і адзінства, лідары нацыі».
Dw.de
Таджыкскі прэзідэнт Эмамалі Рахмон абвешчаны лідарам нацыі «за выкананне гістарычнай місіі выратавальніка».
Закон складаецца з 16 артыкулаў, якія рэгулююць статус дзеючага прэзідэнта пасля таго, як ён складзе з сябе паўнамоцтвы кіраўніка дзяржавы.
Ён, у прыватнасці, гарантуе Эмамалі Рахмону недатыкальнасць пасля сыходу з прэзідэнцкай пасады. Сярод іншага дакумент рэгламентуе «парадак праявы павагі да лідара нацыі».
Прыняты закон прадугледжвае, што ў Таджыкістане будуць створаны бібліятэкі і музеі, прысвечаныя жыццю Эмамалі Рахмона.
Таксама новы закон прадугледжвае адказнасць за невыкананне прынятага дакумента.
63-гадовы Эмамалі Рахмон нязменна кіруе Таджыкістанам з 1992 года.