Магілёўшчына: сёньня новыя ператрусы
У Асіповічах трасуць кватэру грамадзкага актывіста Ігара Сімбірова, у Горках журналіста Эдуарда Брокарава.
Паводле Сімбірова, у кватэры знаходзяцца супрацоўнікі міністэрства надзвычайных сытуацыяў, міліцыянты й людзі ў цывільным. Яны складаюць пратакол на канфіскацыю пятнаццаці найменьняў недзяржаўнай прэсы.
Сёньня пасьля дзевятай гадзіны ў рэдакцыю горацкай недзяржаўнай газэты «Ўзгорак» прыйшлі супрацоўнікі міліцыі. Пра гэта рэдактар выданьня Эдуард Брокараў пасьпеў паведаміць карэспандэнту «Свабоды». Цяпер тэлефон спадара Брокарава не адказвае.