У камандзіра «Правага сектара» Дзмітрыя Яраша памерла мама
Аб смерці мамы камандзіра Добраахвотніцкага ўкраінскага корпусу «Правы сектар» Ірыны Сяргееўны паведаміў «ДУК-інфа Правы сектар».
— Баявыя батальёны і падраздзяленні ДУК, камандзіры і байцы глыбока спачуваюць свайму камандзіру і правадыру Дзмітрыю Ярашу ў сувязі з цяжкай і незаменнай стратай, — гаворыцца ў паведамленні.
Вядома, што бацькі Яраша — простыя рабочыя, мама працавала на вагонарамонтным заводзе ў Днепрадзяржынску.