Справу былой сенатаркі Шарэйкі разгледзіць Вярхоўны суд
pridvinje.by
Крымінальная справа адносна экс-сенатара, дырэктара Віцебскай птушкафабрыкі Ганны Шарэйкі перададзеная ў Вярхоўны суд Беларусі. Дата пачатку працэсу пакуль невядомая.
Пра гэта паведаміла ў фэйсбуку прэс-сакратарка суда Юлія Ляскова.
Яна адзначыла, што менавіта Вярхоўнаму суду падсудныя крымінальныя справы аб злачынствах, учыненых сябрамі савета рэспублікі.
У 2014 годзе генпракуратурай заведзена крымінальная справа ў дачыненні да Ганны Шарэйкі і шэрагу службовых асобаў Віцебскай бройлернай птушкафабрыкі па фактах злоўжывання імі службовымі паўнамоцтвамі.
У жніўні Ганна Шарэйка была ўзятая пад варту.