Украіна ўводзіць мараторый на выплаты расійскага доўгу
Сёння Украіна ўводзіць мараторый на выплату доўгу часоў Віктара Януковіча Расійскай Федэрацыі ў памеры больш за 3 млрд даляраў. Пра гэта на пасяджэнні Кабінета міністраў заявіў прэм'ер-міністр Украіны Арсеній Яцанюк, перадае карэспандэнт РБК- Украіна.
«Урад Украіны сёння ўводзіць мараторый на выплату так званага расійскага доўгу», — заявіў Яцанюк. Ён таксама дадаў, што Украіна выканала ўмовы ўсіх астатніх «адэкватных крэдытораў».
«Яшчэ раз падкрэсліваю, што мы гатовыя да судовай працэдуры з расійскім бокам», — дадаў Яцанюк.
Паводле яго слоў, уводзіцца мараторый на выплаты па крэдыце ў 3 млрд 75 млн даляраў расійскіх бондаў і 507 млн даляраў абавязацельстваў ўкраінскіх кампаній КП «Паўднёвае» і «Украўтадар» перад расійскімі банкамі.
Ён падкрэсліў, што з 18 снежня выплаты па гэтых даўгах спыняюцца да моманту дамоўленасці аб рэструктурызацыі гэтых даўгоў або прыняцця судовага рашэння.