У Вялікабрытаніі закрылася апошняя вугальная шахта
У Вялікабрытаніі закрылася апошняя глыбокая вугальная шахта Келінглі, якая размяшчалася ў Ёркшыры на поўначы Англіі.
Рабочыя шахты завяршылі сваю апошнюю змену. Усяго на 800-метровай шахце працавалі 450 чалавек. Ім выплацяць кампенсацыю, роўную 12 сярэднім месячным акладам. У суботу работнікі выйдуць на марш, каб адзначыць закрыццё шахты. Глыбіня Келінглі складае 800 метраў.
Аднак у Брытаніі працягваюць працаваць некалькі вугальных кар'ераў.
У Вялікабрытаніі пры фінансавай падтрымцы дзяржавы праводзіцца праграма закрыцця вугальных шахтаў. Збольшага гэта звязана з нізкімі коштамі на вугаль, аднак асноўная задача ўрада — знізіць шкоду для навакольнага асяроддзя.
Да 2025 года ў Вялікабрытаніі закрыюцца ўсе вугальныя электрастанцыі, на якіх няма абсталявання для зніжэння выкідаў.