Еўрасаюз узгадніў падаўжэнне санкцый супраць РФ яшчэ на 6 месяцаў
Прадстаўнікі краін Еўрасаюза ў пятніцу ўзгаднілі падаўжэнне санкцый у дачыненні да Расіі яшчэ на паўгода, паведамляюць інфармагенцтвы са спасылкай на еўрапейскіх дыпламатаў.
Паводле іх слоў, рашэнне ўступіць у сілу ў панядзелак, 21 снежня, у 14:00 па маскоўскім часе. Аднак усё зменіцца, калі да таго моманту якая-небудзь з краін-сяброў ЕС адкліча свой голас і прадставіць пісьмовае пярэчанне.