Reuters: Расійскі авіяўдар забіў каля 70 мірных жыхароў у Ідлібе
Удары, нанесеныя, як мяркуецца, расійскай авіяцыяй па горадзе Ідліб на паўночным захадзе Сірыі ў нядзелю, забілі вялікую колькасць мірных жыхароў, паведамляе Reuters.
Як мінімум шэсць удараў трапілі па рынку ў цэнтры горада, урадавых будынках і жылых раёнах. Больш за 150 чалавек атрымалі раненні. Ратавальнікі пацвердзілі смерць 43 чалавек, яшчэ каля 30 цел чакаюць апазнання. Пад заваламі, кажуць ратавальнікі, знаходзіцца яшчэ шмат загінулых.
Мяркуючы па інфармацыі з незалежных сірыйскіх крыніц, колькасць выпадковых ахвяраў расійскіх авіяўдараў у разы большая, чым у выніку ўдараў заходняй кааліцыі. Магчыма, прычына ў меншай дакладнасці расійскіх ракет і бомбаў і горшай выведцы.