Уладзімір Арлоў рыхтуе да выдання кнігу для дзяцей «Айчына. Маляўнічая гісторыя»
Пісьменьнік і гісторык Уладзімір Арлоў рыхтуе да выдання багата ілюстраваную кнігу для дзяцей.
– Безумоўна, існуе попыт на беларускую літаратуру, і голад на беларускую дзіцячую літаратуру. Кніжак такога кшталту я нават і не прыгадаю, калі не згадаць маю ўласную кнігу «Адкуль наш род». Але яна выйшла 20 гадоў таму. І я, безумоўна, вельмі чакаю сваю новую кнігу. Яна напэўна будзе называцца «Айчына. Маляўнічая гісторыя».
Новая кніга Уладзіміра Арлова будзе складацца з дзьвюх частак. Першую пісьменьнік прысьвяціў перыяду беларускай гісторыі ад Рагнеды да Касьцюшкі.