Новы фільм Таранціна будуць паказваць у мінскіх кінатэатрах з 8 студзеня
Новы фільм Квенціна Таранціна «Мярзотная васьмёрка» будуць паказваць у мінскіх кінатэатрах з 8 студзеня.
8—13 студзеня ён будзе дэманстравацца ў Арткінатэатры ў ГЦ «Тытан» і ў 3D Кіно ў «Замку», з 14 студзеня яго будуць паказваць у «Беларусі», «Міры», «Доме Кіно», «Ракеце» ды інш.
***
ЗША пасля Грамадзянскай вайны. Ваёмінг. Легендарны паляўнічы за галовамі Джон Рут па мянушцы Вешальнік канваюе зняволеную. Да іх прыбіваецца яшчэ адзін паляўнічы. Снежная бура змушае ўсіх траіх шукаць сховішча ў далёкай краме, дзе ўжо размясцілася кампанія: генерал, шэрыф, мексіканец, француз і каўбой … І адзін з іх - не той, за каго сябе выдае.
У ролях: Курт Расэл, Сэмюэл Л. Джэксан, Цім Рот, Майкл Мэдсен, Джэніфер Джэйсан Лі, Уолтан Гогінс, Чэнінг Татум…