У Мінск прыбудзе каўчэг з часцінкай мошчаў апостала Андрэя Першапакліканага
Каўчэг з часцінкай мошчаў апостала Андрэя Першапакліканага прыбудзе ў Мінск 8 студзеня.
Як паведамляе сайт Беларускай праваслаўнай царквы, святыня будзе выстаўлена ў сталічным храме дабравернага князя Аляксандра Неўскага, размешчаным на Вайсковых могілках (вуліца Казлова).
У 8.45 адбудзецца цырымонія сустрэчы, затым пройдзе Боская літургія.
Пакланіцца мошчам аднаго з дванаццаці вучняў Хрыста змогуць усе жадаючыя.
Часцінка мошчаў апостала Андрэя Першапакліканага прыбудзе ў беларускую сталіцу з грэчаскай выспы Корфу.