На цэнтральнай плошчы Стамбула адбыўся выбух: ёсць загінулыя
абноўлена
twitter.com/Haberturk
Выбух прагрымеў на цэнтральнай плошчы Стамбула Султанахмет. Як паведамляюць турэцкія СМІ, ёсць загінулыя і параненыя, іх колькасць удакладняецца.
Выбух адбыўся каля 10-й раніцы паводле мясцовага часу. Відавочцы кажуць, што чулі гучны хлапок. Да месца здарэння прыбыла паліцыя і машыны хуткай дапамогі. Прычыны выбуху пакуль невядомыя.
Па папярэдніх дадзеных, выбух быў зроблены смяротнікам. Зараз плошча ачэпленая паліцыяй.
Плошча Султанахмет з'яўляецца адной з галоўных турыстычных зон Стамбула, дзе размешчана знакамітая Блакітная мячэць.
У кастрычніку мінулага года каля 100 чалавек загінулі ў выніку двух выбухаў, што прагрымелі на маршы за мір у цэнтры Анкары. Гэта быў самы крывавы акт гвалту, учынены ў Турцыі за многія гады.