ДАІ рэкамендуе ў маразы адмовіцца ад паездак на асабістым транспарце на далёкія адлегласці
Дзяржаўтаінспекцыя рэкамендуе адмовіцца ад паездак на асабістым транспарце на далёкія адлегласці ва ўмовах моцных маразоў, паведамілі ва УДАІ Міністэрства ўнутраных спраў Беларусі.
Рэкамендацыя асабліва датычыцца ўладальнікаў дызельнага аўтатранспарту, адзначылі ў ДАІ.
«У выпадку крайняй неабходнасці адпраўляйцеся ў дарогу, папярэдне праверыўшы аўтамабіль і пераканаўшыся ў яго тэхнічнай спраўнасці, каб не апынуцца на трасе ў небяспечнай сітуацыі. Абавязкова трэба праверыць узровень тэхнічных вадкасцей і спраўнасць акумулятара. Цёпла апраніцеся, вазьміце ў дарогу зараджаны мабільны тэлефон, буксіровачны трос, шуфаль і тэрмас з гарбатай», — звяртаюць увагу супрацоўнікі Дзяржаўтаінспекцыі.
ДАІ рэкамендуе кіроўцам не забываць пра павышаныя меры бяспекі на непрадказальнай зімняй дарозе, выбіраць бяспечную хуткасць руху з улікам стану праезнай часткі, павялічыць дыстанцыю і бакавы інтэрвал, пазбягаць рэзкіх манеўраў.
Работа асабовага складу дарожна-патрульнай службы ДАІ арыентавана на аказанне дапамогі кіроўцам і пешаходам і забеспячэнне бяспечных умоў руху.