Сюрпрыз: Азаранка вылецела з Australian Open
У матчы 1/4 фіналу яна прайграла сёння ноччу немцы Ангеліцы Кербер 3:6, 5:7.
Такім чынам Кербер узяла рэванш за паразу ад Азаранкі ў фінале турніру ў Брысбэне 9 студзеня.
У паўфінале Кербер згуляе з брытанкай Джаанай Конта.
У іншым паўфінале згуляюць Серэна Уільямс і Агнешка Радванска.
Азаранка перамагала на AO ў 2012 і 2013 гг., а зараз яе лічылі асноўным фаварытам.