«ДНР» прапаноўвае кампрамісны варыянт паправак у канстытуцыю Украіны
Т.зв. «Данецкая народная рэспубліка» прапаноўвае кантактнай групе па ўрэгуляванні сітуацыі ў Данбасе разгледзець кампрамісны варыянт паправак у канстытуцыю Украіны, заявіў кіраўнік дэлегацыі «ДНР» Дзяніс Пушылін.
«ДНР прапаноўвае разгледзець кантактнай групе кампрамісны варыянт папраўкі ў канстытуцыю Украіны, падрыхтаваны нашымі юрыстамі. Ён дае рэальныя гарантыі асаблівага статусу Данбаса, палітычных правоў нашага народа, за якія мы пралівалі кроў», — цытуе Пушыліна Данецкае агенцтва навін.