Кубак ФІБА. «Цмокі» здабылі перамогу над «Гюсінгам»
«Цмокі-Мінск» нанеслі паражэнне аўстрыйскаму «Гюсінгу» ў гасцявой сустрэчы асноўнага раўнду баскетбольнага Кубка ФІБА - 89:88.
Перамогу «драконам» прынёс дакладны трохачковы кідок Энтані Хіліарда за 16 секунд да канца паядынку.
Група V: Варэзе - 9, АЕК - 8, Цмокі - 7, Гюсінг - 6.
Заключны матч групавога раўнду «Цмокі» правядуць 3 лютага на «Мінск-Арэне» супраць кіпрскага АЕКа. Перамога гарантуе выхад у наступны раўнд.