На борце самалёта А321 у Самалі выбухнула бомба
На борце самалёта Airbus A321 авіякампаніі Daallo Airlines, які ляцеў са сталіцы Самалі Магадзіша, выбухнула бомба. Пры выбуху пацярпелі два пасажыры, перадае Airlive.net.
У абшыўцы самалёта была прабітая дзірка. Падрабязнасцяў здарэння пакуль няма.
Выбух адбыўся амаль адразу пасля ўзлёту, таму на борце не ўзнікла выбухной дэкампрэсіі і самалёт не разваліўся на кавалкі. Пілоты змаглі прызямліцца ў аэрапорце вылету.