Італьянскі "Інтэр" купіў Глеба?
"Арсэналу" заплацяць за трансфэр 11 мільёнаў фунтаў стэрлінгаў. Пры гэтым гадавы заробак футбаліста складзе 2 мільёны фунтаў. Глеб мае замяніць у "Інтэры" вэтэрана Луіша Фігу.
Такую інфармацыю распаўсюдзіў шэраг італьянскіх СМІ. На Апэнінах упэўненыя, што міланцы дамовіліся зь беларусам, а "кананірам" заплацяць за трансфэр 11 мільёнаў фунтаў стэрлінгаў. Пры гэтым гадавы заробак футбаліста складзе 2 мільёны фунтаў (4 мільёны даляраў). Раней у якасьці прэтэндэнтаў на беларусў называлася "Барсэлёна", але "Інтэр" апярэдзіў канкурэнтаў.
У міланскім клюбе мяркуюць, што беларус ідэальна заменіць вэтэрана Луіша Фігу, які зьбіраецца пакінуць “Інтэр” наступным летам.