У Мінску адкрылася выстава карцін, напісаных у зоне ўкраінскай АТА
У амбасадзе Украіны ў Мінску адкрылася выстава беларускіх і украінскіх мастакоў, якія вярнуліся з пленэру ў зоне АТА. У экспазіцыю, якая атрымала назву «З Украінай у сэрцы», патрапілі працы шасці аўтараў.
На сённяшнюю Данеччыну можна паглядзець вачыма Алеся Пушкіна, Генадзя Драздова, Алеся Цыркунова, Тараса Носара, Алеся Сушы і Андруся Такінданга.
Акрамя дзясятка карцін, мастакі прывезлі з сабой рэчы і асколкі снарадаў, якія знайшлі ў разбуранай школе ў Пясках.