Нясвіжскі завод медпрэпаратаў адклікае адразу тры свае лекавыя сродкі
Нясвіжскі завод медыцынскіх прэпаратаў звярнуўся ў Міністэрства аховы здароўя аб адкліканні з абарачэння адразу трох лекавых сродкаў, якія нечакана паказалі непажаданую рэакцыю пацыентаў.
Як паведамляе Міністэрства аховы здароўя на падставе паведамлення завода з абарачэння адклікаюцца раствор ізатанічны для інфузій натрыю хларыд, раствор для інфузій калію хларыд і глюкоза. Усе тры прэпараты паказалі непажаданую рэакцыю арганізма пацыентаў.
Варта адзначыць, што ўсе тры лекавыя сродкі — даволі простыя ў вырабе прэпараты і шырока выкарыстоўваюцца ў медыцыне.