Генадзь Давыдзька распаўсюдзіў чарговыя інсінуацыі
У сувязі з распаўсюджанымі ў некаторых СМІ чарговымі інсінуацыямі, што рэдактараў незалежных СМІ запрасілі на праграму «Клуб рэдактараў» тэлеканала «Беларусь-1», а яны адмовіліся, інфармуем, што рэдактар «Нашай Нівы» запрашэння выступіць не атрымліваў.
Выклікае здзіўленне той факт, што запрашэнне на праграму — прычым пад запіс, а не ў жывы эфір — атрымалі толькі тыя рэдактары, якія ў гэты дзень знаходзіліся не ў Беларусі, або былі заведама занятыя.