Пасол Расіі: Рашэнне канчатковае, Беларусь атрымае крэдыт
Рашэнне аб выдзяленні Еўразійскім фондам стабілізацыі і развіцця крэдыту Беларусі прынятае канчаткова, заявіў пасол РФ у Мінску Аляксандр Сурыкаў.
kommersant.ru
«Рашэнне зараз дасягнута канчаткова і беспаваротна … Крэдыт паступіць у эканоміку Беларусі ў рамках Еўразійскага фонду», — сказаў Сурыкаў у інтэрв'ю тэлеканалу «Беларусь-1». Фрагмент інтэрв'ю быў паказаны ў пятніцу вечарам.
Дыпламат адзначыў, што «спатрэбіцца нейкая колькасць дзён, каб заключыць крэдытны дагавор, не думаю, што спатрэбіцца шмат часу».
Беларусь вядзе перамовы з МВФ аб атрыманні крэдыту на 3 мільярды даляраў у рамках пашыранага фінансавання пад 2,28% на 10 гадоў. Паралельна Мінск вядзе перамовы і разлічвае атрымаць крэдыт Еўразійскага фонду стабілізцыі і развіцця ў памеры 2 мільярдаў даляраў.