У Мінску сутыкнуліся маршрутка і тры легкавыя машыны
Маршрутка і тры легкавыя аўтамабілі сутыкнуліся ў Мінску, паведаміла старшы інспектар па агітацыі і прапагандзе АДАІ Фрунзенскага РУУС Алена Волчак.
ДТЗ здарылася сёння на вуліцы Прытыцкага. Аўтамабіль «Сітраен» спыніўся для аб'езду перашкоды недалёка ад прыпынку грамадскага транспарту. За ім запаволілі рух машыны «Форд Мондео» і «Фольксваген Гольф».
У гэты час маршрутка, якая ехала ззаду трох легкавікоў, пратараніла «Фольксваген», і ён па інэрцыі паляцеў у аўтамабілі, якія спыніліся наперадзе. У аварыі пацярпелі два пасажыры маршруткі, а таксама кіроўца «Фальксвагена», усе яны дастаўленыя ў бальніцу.
Паводле папярэдняй інфармацыі, прычынай здарэння стала невыкананне дыстанцыі кіроўцам мікрааўтобуса.