У Маскве памерла актрыса Наталля Крачкоўская
Заслужаная артыстка Расіі Наталля Крачкоўская памерла ў Маскве ва ўзросце 77 гадоў.
Апошнія дні актрыса знаходзілася ў рэанімацыі Першай гарадской бальніцы, куды была шпіталізавана ў канцы лютага з-за боляў у сэрцы.
Дактары, якія паставілі папярэдні дыягназ «інфаркт міякарда», ацэньвалі стан Крачкоўскай як вельмі цяжкі.
Наталля Крачкоўская нарадзілася 24 лістапада 1938 года ў Маскве.
На рахунку актрысы — больш за 80 фільмаў. Сярод самых вядомых карцін з яе ўдзелам — «Іван Васільевіч мяняе прафесію», «12 крэслаў», «Гэтая вясёлая планета», «Пакроўскія вароты» і іншыя.
Крачкоўская, як правіла, іграла другарадныя, але прыкметныя і характарныя ролі.