Таксіст зляцеў з моста ў Брэсце і застаўся жывы ФОТА
Адбылося ўсё раніцай 6 сакавіка 2016 года на спуску з чыгуначнага моста на вул. Герояў абароны Брэсцкай крэпасці. Як распавёў сам кіроўца, ён не даў рады кіраванню, калі аўтамабіль занесла на закругленні дарогі.
Машына пераскочыла невысокі бардзюр і скацілася ўніз.
На месцы здарэння працуюць супрацоўнікі ДАІ, прыбылі прадстаўнікі МНС, бо прыйдзецца даставаць машыну з дапамогай крана, паведамляе Віртуальны Брэст.
На шчасце, ніхто не пацярпеў, кіроўца самастойна змог пакінуць не вельмі пашкоджаны аўтамабіль, а пасажыраў, паводле інфармацыі відавочцаў, у таксі не было.