Двайное забойства ў Нароўлі: у прыватным доме знойдзеныя целы брата і сястры
5 сакавіка ў дзяжурную частку Нараўлянскага РАУС ад мясцовага жыхара паступіла паведамленне пра тое, што ў адным з прыватных дамоў знойдзена цела жанчыны без прыкмет жыцця. Следча-аператыўная група, якая прыбыла на месца здарэння, знайшла яшчэ адзін труп — яе брата.
Пакуль Следчы камітэт дае вельмі скупую інфармацыю па гэтай справе. Але вядома, што падазраваны ў злачынстве ўжо затрыманы. Гэта раней неаднаразова судзімы 31-гадовы мясцовы жыхар, які днямі выйшаў на волю.
Як паведаміла TUT.BY афіцыйны прадстаўнік УСК па Гомельскай вобласці Марыя Крываногава, цяпер з падазраваным працуюць следчыя. Прызначаны шэраг экспертыз, дапытваюцца сведкі, высвятляюцца матывы здзейсненага злачынства.
Заведзена крымінальная справа па ч.2 арт. 139 (забойства двух і больш чалавек).