Кіеў разглядае кандыдатуру Ахметава ў кіраўнікі Данбаса
Адміністрацыя прэзідэнта Украіны праводзіла перамовы з алігархам Рынатам Ахметавым і лідарам «Апазіцыйнага блока» Юрыем Бойкам аб прызначэнні іх кіраўнікамі акупаваных тэрыторый Данбаса.
Гэта «Украінскай праўдзе» пацвердзіла крыніца ў АП. Пры гэтым суразмоўца адзначыў, што да канчатковага рашэння пакуль далёка.
Таксама стала вядома, што Віктар Медвядчук, якога называюць аўтарам кампраміснага сцэнара наконт Данбаса, не ў захапленні ад магчымага прызначэння Ахметава, аднак той сам прапаноўваў сваю кандыдатуру. Прызначэнне Ахметава у сваю чаргу падтрымлівае памочнік дзяржсакратара ЗША Вікторыя Нуланд.
У атачэнні Бойкі таксама пацвердзілі яго згоду, аднак адзначылі, што механізмы такога прызначэння пакуль не да канца зразумелыя і гаворка ідзе хіба што пра аддаленую перспектыву.