Ананіч: Калі журналіст не можа хутка знайсці і перадаць інфармацыю, то гэтая праца не для яго
Такое меркаванне выказала міністр інфармацыі Лілія Ананіч падчас анлайн-канферэнцыі на тэму «Медыяасяроддзе Беларусі ў новых умовах» на сайце БЕЛТА.
Праца журналіста ў сучасных умовах патрабуе валодання новымі тэхналогіямі, і калі журналіст не можа хутка знайсці інфармацыю, не можа хутка яе перадаць, то, напэўна, і не можа працаваць у журналістыцы, адзначыла Лілія Ананіч.
А складнікамі прафесіяналізму міністр назвала веды, жаданне дакапацца да ісціны, уменне ўлічваць увесь спектр меркаванняў, прыстойнасць, адказнасць, пісьменнасць. Журналіст павінен даваць магчымасць чытачу, гледачу, слухачу аператыўна, калі ён працуе з навінамі, атрымліваць інфармацыю, даваць пажыву для разважанняў, калі гэта аналітык.