У Мінску пры будаўніцтве метро знайшлі скарб з залатых манет
Пры правядзенні земляных работ у Мінску работнікі УП «Метрабуд» знайшлі скарб з залатых манет. Пра гэта паведамілі ў эфіры АНТ.
АНТ
Намінал манет — 5 рублёў. Яны адносяцца да часу праўлення расійскага імператара Мікалая II. Як мяркуецца, манеты выраблены з золата 900-й пробы.
Манеты перададзены на часовае захоўванне ў адміністрацыю Кастрычніцкага раёна сталіцы. Неўзабаве яны будуць перададзеныя ў Музей гісторыі горада Мінска, а пасля неабходных экспертных работ папоўняць музейныя фонды.