Лукашэнка даказвае, што ў Беларусі на 60 % усё добра
і працуе на міф пра добрага цара і прыдворных, якія хаваюць ад яго праўду.
«Не трэба вазіць мяне па флагманах і думаць, што я не ўбачу іншых гаспадарак, якія знаходзяцца ў горшым стане. Рэспубліку ператварылі ў краіну кантрастаў. Каля 60 % працуюць добра, астатнім жа яшчэ вельмі далёка да дасканаласці». Пра гэта, паводле звестак прэс-службы, заявіў Аляксандр Лукашэнка, наведваючы 25 красавіка Брэсцкую вобласць.
26 красавіка А. Лукашэнка будзе працягваць паездку па чарнобыльскіх рэгіёнах. Плануецца, што ён азнаёміцца з сацыяльна-эканамічным развіццём Хойніцкага раёна Гомельскай вобласці.