На Мінскім заводзе шасцерняў адбыўся пажар
У ААТ «Мінскі завод шасцерняў» адбыўся пажар, паведамілі ў Міністэрстве па надзвычайных сітуацыях Беларусі.
Паведамленне пра інцыдэнт на тэрыторыі прадпрыемства паступіла раніцай 8 красавіка. Калі ратавальнікі прыбылі на месца, з пераходнай галерэі паміж кавальскім і механічным цэхамі ішоў дым моцнай канцэнтрацыі. Высветлілася, што адбылося загаранне макулатуры ў дапаможным памяшканні на плошчы 30 кв.м і транспарцёрнай стужкі ў пераходнай галерэі.
Супрацоўнікі МНС ліквідавалі агонь. Абышлося без пацярпелых, эвакуацыя яшчэ не праводзiлася.
Прычына пажару высвятляецца. Адна з разгляданых версій — парушэнне супрацьпажарных патрабаванняў пры правядзенні агнявых работ.