Паніхіда па Змітру Саўку прайшла ў Нью-Ёрку ФОТА
Ала Орса-Рамана, Вітаўт Кіпель і сябры Змітра Саўкі ў Нью-Ёрку замовілі паніхіду па ім у саборы Беларускай аўтакефальнай праваслаўнай царквы св. Кірылы Тураўскага ў Брукліне (Нью-Ёрк, ЗША).
Яны выказалі пашану яму як чалавеку, працаўніку і змагару. Паніхіду адслужыў айцец Іван.
Фота Віктара Дударава
Выбітны мовазнаўца Зміцер Саўка памёр у суботу, 9 красавіка, ад раку. Яму было 50 гадоў. Сёння, 11 красавіка, з ім развітаюцца ў касцёле св. Роха за Залатой Горцы. Развітанне з 11:00 да 13:00, затым — імша. Пахаваюць З. Саўку на Заходніх могілках сталіцы.